رموز وطنية لتميم البرغوثى

شجرة زيتون: معتادة
حجر: ممل
طفل: في الهند والصين أطفال
ثوب مطرز: ذلك تلبسه السيدات في الحفلات التنكرية
ذكرى إنطلاقة الثورة: تبرعوا للتبولة والمناقيش،،
لبنان: تعرفون القصة
الأردن: يعرفون القصة
مصر: يحنو الأسير على الأسير
الرئيس: لا إله إلا الله
القوات المسلحة: لا حول ولا قوة إلا بالله
العلم: مل من رؤية ظهر الوزير
الكوفية: لم تخلق للدبكة
جواز السفر: لا ترحل لأنك لن تعود
الشهيد: من منهم؟
الشرطي: أهلا، منذ متى وأنت هنا؟
الشاعر: سينشد شعرا رغم هذا كله

قصيدة الأسى للشاعر أحمد مطر

الاسى اسى لما نلقاه..
والحزن حزين !
نزرع الأرض .. ونغفو جائعين
نحمل الماء .. ونمشي ظامئين
نخرج النفظ
ولا دفء ولا ضوء لنا
إلا شرارات الأماني ومصابيح اليقين
وأمير المؤمنين منصف في قسمة المال
فنصف لجواريه
ونصف لذويه الجائرين
وابنه – وهو جنين –
يتقاضى راتباً أكبر من راتب أهلي أجمعين
في مدى عشر سنين !
ربنا .. هل نحن من ماء مهين
و ابنه من ( بيبسي كولا ) ؟!
ربنا .. في أي دين
تملك النطفة في البنك رصيدا ,
وألوف الكادحين
يستدينون لصرف الدائنين ؟
أي دين ..

قصيدة لابو المغيث ابن منصور الحلاج

أنا من أهوى , و من أهوى أنا

نحن روحان حَللْنا بَدَنا

فإذا أبصرتني أبصرته

و إذا أبصرته أبصرتنا

رأيتُ ربّي بعين قَلْبِي

فَقُلْتُ : مَنْ أنتَ ؟ قالَ: أنتَ

يا نسيم الريح

يا نسيم الريح قولي للرشا

لم يزدني الورد إلا عطشا

لي حبيب حبه وسط الحشا

لو يشا يمشي على خدي مشا

روحه روحي و روحي روحه

إن يشا شئت و إن شئت يشا

مُزِجتْ روحك في روحي كما

تُمزج الخمرةُ في الماء الزلال

فإذا مسّك شيء مسّني

فإذا أنت أنا في كلّ حال

طوبى لطرْف فاز مِنكَ بنظرةٍ أو نظرتين

رأى جمالك كلّ يوْمِ مرّةً أو مرتين

يا زين كل مَلاحة حوشيت من عيب و شَيْن

أنت المقدم في الجمالِ فأين مثلك أين أين ؟

عجبت منك و منّي

يا مُنية المتمنّي

أدنيتني منك حتى

ظنَنْتُ أنك أني

و غبتُ في الوجد حتى

أفنيتني بك عنّي

هَمّي بِهِ وَلَهٌ عَلَيْكا

يا من إشارَتُناَ إليكا

روُحانِ ضَمَّهُمَا الهوى

فيما يَليكَ و في يَدَيْكا

ما حيلة العبد و الأقْدارُ جارِيةٌ

عَليهِ في كُلِّ حالٍ أيُّها الرّائي ؟

ألْقاهُ في اليَمِّ مكتوفاً و قال لَهُ

إيّاكَ إياك أنْ تبْتَلَّ بالماءِ

فى قلب الليل لعصام عبد الله

المرة دى مع شاعر غناله كتير و جميل جدا و هو الشاعر الراحل برضه و محدش حس بيه عصام عبد الله

في قلب الليل
و عزف الصمت متهادي كموج النيل
في قلب الليل
و برد الخوف بيتكتك سنان الخيل

وما في حد في الشارع
سوى مهر اتربط جازع
وشجرة صنت
و أنا… والصمت
وبرد الليل
و خوف الليل

وصهل المهر لم أفهم
أخوف مني أم اتعاجب
سألت المهر لم يفهم
كلام مني و لا جاوب وكان في عينيه
بريق مني
كأنه كان بيسألني

وقفت أنظر له ينظرلي
وأنظر له و ينظرلي
ولما صار كما خلي
فتحنا ابواب حكاوينا
وتهنا في أغانينا
في برد الليل
وخوف الليل
و حزن الليل وكان في جيده قيد جارحه
وقيد في جيدي ما لمحه
لكن حسه
أكيد حسه

وفجأة لقينا أحلامنا
وصهل الفجر في عيوننا
مسكت قيوده فكيتها
صهل بمعاني… حسيتها
وصار يجري... و ينساني…
و صار يجري و ينساني
وأنا بجري في طريق تاني
في برد الليل
وخوف الليل
وحزن الليل

وبعد كتير…
في ليل تاني
لقيته لوحده من تاني
في جيده يقيده قيد تاني
صهل تاني…
ماردتش!
وباقي لوحدي انا بامشي
في برد الليل
و خوف الليل
و حزن الليل

فيلسوفة لكوثر مصطفى

القصيدة دى بالذات بحبها جدا جدا و معلقة معايا لاني شايفها فى حد

و فيكي ايه مش ف البنات
خلاكي اجمل منهم
و فيكي ايه مش ف البنات
متحلميش ليه حلمهم
فيلسوفة صغيره
عيونها دايما سرحانين
رايحه جايه تفكري
و حاضنه احلام السنين
هربانه من دنيا البشر
و عايشه في دنيا الخيال
عودتي قلبك ع السفر
و قلبي حاير بالسؤال
و فيكي ايه مش في البنات
دايما جابرني علي السكات
علي الوقوف اسمع و اشوف
و اندهش قدام حاجات
يمكن الوش البريء
يمكن الصوت الرقيق
يمكن الخطوه اللي ماشيه
ماشيه بتحب الطريق
و فيكي ايه مش ف البنات
خلاكي اجمل منهم
و فيكي ايه مش ف البنات
متحلميش ليه حلمهم

نقوش على قبر شاعر لعمر نجم

بدأت بالقصيدة دى مش لسبب معين هى جت معايا كده و دى قصيدة للشاعر الراحل عمر نجم و ده من اللى ماتوا و مخدش حقه فى المعرفة و هو شاعر جميل

يسافر قلبك العاشق
يجوب الدنيا ف العتمه
تنام الناس كما العاده
وتايهه الخطوه ف الزحمه
نهايتك امتى يا رحله ؟
وتتاوب
تعاود للملل تانى
لنفس اليأس والاهه
ويفضل قلبك العاشق
تضمه هموم بلا نهايه
بيحلم تيجى ضلايه
تضلل فوقنا م القهره
من خوفنا من الحسره
من الغربه اللى ساكنه
جوه جوانا
وقلبك عمره يا شاعر
مسافر فى بلاد الدنيا متغرب
بلا احباب
بلا اصحاب
يقول الاه
وتبقى الكلمه ف عروقه
يتعذب.......... وتتعذب
وايه يا موت
يا شارب دمنا ميه
يا عاجن عضمنا حنه
يا بادر عمرنا غله
كما الذرات

الشعر مينتهيش ولا يموت

اول بوست فى المدونة اعرفكم فكرتي هي بسيطة جدا و يمكن غيري عملها بس انا عاوز اعملها و هي انى احط شعر لشعراء بحيث الناس تقرا الشعر ده لانه ممكن يكون مختفى وسط الشعر المشهور فانا هاهتم اكتر بالاشعار و الشعراء المغمورين اللى مخدوش حقهم او بالشعراء الشباب اللى لسه عاوزين فرصة برضه
انا هاهتم اكتر بالقصيدة عن الشاعر و كل قصيدة تعجبنى هضيفها
و يا رب تعجبكم